Titularnan

Fiskal ta pidi 18 luna pa agentenan polisial

Willemstad - Ayera mainta 8:30 am hues Van Dam van Isselt a kontinuá ku e kaso kontra di e 3 agentenan polisial De La Chiques, Antersijn i Sambo ku tabata laborá na Warda di Polis Molenplein relashoná ku kasonan di maltrato di suidadano. Fiskal Hato-Willems tabata fuerte den su akusashonnan,i a indiká ku e 3 agentenan aki no a papia bèrdat durante di nan deklarashon komo polis. Mas aleu, nan mes a indiká na hues di a skonde e bèrdat, mirando ku nan tabatin miedu di loke Maneho di Kuerpo Polisial lo a hasi nan.

E 3 agentenan aki a deklará primeramente ku nunka nan no a bai Koredor, pero no tabata sa ku KPC/Zenitel tin sistema di GPS riba tur outo polis, i ku e GPS tracking aki a indiká ku outo di polis # 21 en bèrdat tabata na Koredor.
Abogado Marije Vaders, ayera mainta a trese un bon defensa pa su 3 klientenan, den kual el a indiká ku no ta pasó e outo di polis a pasa via Koredor, por saka konklushon ku ningun maltrato a tuma lugá. Segun Vaders, e dos víktimanan a duna vários deklarashon kontradiktorio i ku no por usa esaki den e kaso. 
Fiskal Hato-Willems a pidi kastigu di 18 luna di prizon pa kada agente polisial, 5 aña di suspenshon for di Kuerpo Polisial i paga e víktimanan 50 mil florin di daño i perhuisio.
Hues por último lo bai pa analisá e kaso i dia 14 di ougùstùs awor lo dikta sentensia den e kaso kontra e agentenan polisial aki.

REGISTRA I BIRA MIEMBRO

Keda na altura di notisia sin opinion, na un manera alkaso, diferente i moderno.


KONEKTA

REGISTRA

Bo no ta miembro?